صالون الخريف ... هو منظمه من ساسها لراسها صهيونية


صالون الخريف ... هو منظمه من ساسها لراسها صهيونيه وكانوا بيتمسحوا في سيرة الشاعر الراحل محمود درويش وفلسطين .. (عاطفة العرب) .. والشباب مصدقين إنهم فنانين فرنسيين محبي للفنون والآداب وبيشرفونا في مصر علشان ينورونا بفنهم. الصوره بتوضح إقامة الصالون في تل ابيب وسيقام لاحقا .. (طبعا هم أحرار) والصالون نفسه مقام حاليا في القاهره بس تحت رعاية وزارة السياحه المصريه (ولبسوا العمه).

طبعا بعد نشر خبر إقامة الصالون في 2012 اعتذر عميلهم (المصري الجنسيه) عبد الرازق عكاشه واعلن انفصاله .. وبعدين في 2014 رجعت ريما لعادتها القديمه وافتكر إن الناس مش واخدين بالهم .. ولما فيه فنانين ما صدقوا إن فيه حاجه اسمها بينالي وصالون في الزمن المهبب ده ويللا .. ناخد كذا صوره مع الخواجات والتلفزيون يصور وهم مش فاهمين أي حاجه في البطيخ .. وفنانين تانيين مدلدلين ودانهم واديهم بيتفرجوا (طبعا ولادنت هم اللي حايستقبلوا التنيجه بعد سنين).. وفنانين طرش وفنانين مشاركين مستعميين ومش شايفين غير إن واحد إسمه نويل ورفيقه عكاشه حايوصلهم لنور باريس (بالمناسبه انا شخصيا قابلته في باريس وحافظ بس شوية مصطلحات لكن الحمدلله حاصل على دبلوم زخرفه من عرب الرمل مش من السوربون) ...

م الآخر إحنا بنتعجن لو ما فوقناش وفادينا الخوازيق اللي في الطريق في الفترة الضبابيه المهببه اللي فيها صيادين هدفهم فقط الطموحين محدودي الرؤيه. وعلى الجانب التاني النقابه ووزارة الثقافه المصريه مشرفين وبيتفرجوا معانا .. فهل حايتحركوا لوقف هذا الغزو الثقافي؟

دلوقتي ممكن تطنش وتكمل فرجه على الفيس .. أو تشير لو مصدق الكلام ده. أو إسأل أي سؤال وماليش أي مصلحه من أي حد.

*فيسبوك

 

 

 

أرشيف سنة 2013 وما قبلها

-

العودة الى الصفحة الرئيسية

safsaf.org - 18-02-2014آخر تحديث